شام الياسمين

منتدى تابع لرومات شام الياسمين


    ما حدا مبسوط لا بالبلد ولا برا البلد .

    شاطر
    avatar
    ~ محمد ~

    عدد المساهمات : 67
    نقاط : 155
    تاريخ التسجيل : 16/01/2011
    العمر : 28
    الموقع : http://shamroom.syriaforums.net

    ما حدا مبسوط لا بالبلد ولا برا البلد .

    مُساهمة  ~ محمد ~ في الإثنين يناير 17, 2011 9:45 am

    قلو: يازلمة يالله شو مشتاق لسوريا وللشام ..لك يلعن أبو الغربة شو صعبة
    لك مو مصدق ايمت انزل اجازة عل الشام..
    رد التاني: لك اخ خخخ والله معك حق .. لك تضرب الساعة لي تركت فيها البلد واجيت ..
    قال شو بدي أمن مستقبلي وأخلص من العسكرية...
    قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل..
    تتذكر شو كنا مبسوطين .. كيف كنا كل يوم بليل نروح و نأركل بعد الشغل بباب توما ..
    ونعمرها بعدين بـ (سلطة فواكه عند رامز)..
    رد قلو: ولا الشاورما عند الأغر والبرج .. ولا البروستد عند القصور...
    لك مشتهي فيق الصبح وحدا يقلي صباح الخير واشرب القهوة معو..
    لك مافي ناس ما في بشر تحكي معها وتحس فيون ويحسو فيك..
    الأول: قهوة شو وصباح شو.. لك اذا كان حظي حلو ممكن الهندي لي قاعد جنبي بالشغل
    يعبرني ويقلي كياليه (كيفك بالهندي)... طبعا مع شوية هز بالراس
    ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...
    التاني: المصيبة انو 90 بالمية من العالم بالبلد حاسدين الشباب هون ..
    ولما بتشكي لحدا بتاكول بهدلة على كيفك وبيقولولك انو انت نقاق ومو خرج بسط..
    قلو الأول: لك تركها لالله .. مفكرين انو المغترب ..معمر بيت فوق بير بترول..
    وعم يكش دبان ... لك يارجل..لما بنزل على سوريا بتنزل العالم فيني أسئلة :
    كيف دبي ..أكيد مبسوط .. اوعى ترجع ها.. بشرفك دبرلي شغل..
    ولما بقلون الشغل مو سهل والحياة صعبة كتير..
    ماحد بيصدق وبيفكرو انو مابدي ساعدهون..
    التاني: سيدي .. انت نزول وانبسط والله يمرق هالخمس سنين على خير..
    الأول : قولتك رح ينزلو مدة الأغتراب؟
    التاني : والله في هيك أشاعة ..
    الأول: والله اذا بتتطلع صح.. الك احلى عزيمة عند موفق.. (محل مشاوي بالدويلعة)
    التاني: يااااااااااااااااااااارب .....


    شبين من سوريا جوا سوريا:
    الأول: لك الله يلعن أبو هالعيشة ..ماعاد فيني اتحمل.. زحمة وقرف وشغل بيهوي..
    ومافي مصاري.. بدي سافر بي ايا طريقة ..بدي روح وشوف الدنيا وانبسط..
    التاني: يا أخي نحنا بعمرنا مارح نتطور.. شوف وين صارت البشر ..
    ونحن وين.. لك شي بيطقق .. ولا أيا شي ممكن يخليك مبسوط ..
    ماني مرتاح بالشغل أبدا .. مديري يقطع عمرو شو غليظ ..
    أغلظ من هيك مستحيل تلاقي .. مو شاطر الا بالنق...
    ومابعرف على شو حاطينو مدير ( مجرد نق طيعا متل كل الموظفين على ايا مدير) ..
    ياسيدي حمار معبابي بنطلون..
    الأول: ولا عنا نحنا.. الشغل بي اخر الدنيا .. بدي شي ساعة لتوصل بالسرفيس..
    هاد اذا لاقيت سرفيس.. وياريت راتب متل العالم والناس ..
    انا خلص استويت ولازم لاقي شغل بالخليج .. يا أخي الحياة ه*** غير ..
    بسط ومصاري وسيارات ... يعني بتعيش حياتك..
    التاني: معك حق .. بتقضيلك 5 سنين وبترجع مليونير..
    وياسيدي بلا ماترجع بيكون أحسن .
    .انا رفيقي واعدني انو يدبرلي شغل .. ويارب تظبط معي..
    الأول : انا مقدم السي في تبعي عل الأنترنت ومو مخلي موقع يعتب عليي...
    ومبارح عملت انترفيو مع شركة بدبي.. وقال بيردولي خبر بي هاليومين..
    وشو ماعطوني رح اقبل.. لأنو اكيد بيكفي وزيادة..
    التاني : الله يوفقك .. ويتخلص من هالعيشة.....
    الأول :أمين...



    ..
    avatar
    بحبك...شام

    عدد المساهمات : 114
    نقاط : 262
    تاريخ التسجيل : 15/01/2011

    رد: ما حدا مبسوط لا بالبلد ولا برا البلد .

    مُساهمة  بحبك...شام في الإثنين يناير 17, 2011 11:28 am

    جد موضوع كتير حلو بلفعل ما حدا عرفان هم حدا بس برأيي الي بيضل ببلدو مرتاح اكتر ولا شو رئيكون :?: :?: :?: :?: :?: :?:
    avatar
    ~ محمد ~

    عدد المساهمات : 67
    نقاط : 155
    تاريخ التسجيل : 16/01/2011
    العمر : 28
    الموقع : http://shamroom.syriaforums.net

    رد: ما حدا مبسوط لا بالبلد ولا برا البلد .

    مُساهمة  ~ محمد ~ في الثلاثاء يناير 18, 2011 5:32 am

    وانا معك بهالشي عمور ..

    مابتحس بطعمة الحياة وحلاوتها الا ببلدك ..

    ..
    شكرا الك عزيارتك الحلوة ..
    avatar
    الـفـانـي

    عدد المساهمات : 8
    نقاط : 12
    تاريخ التسجيل : 17/01/2011

    رد: ما حدا مبسوط لا بالبلد ولا برا البلد .

    مُساهمة  الـفـانـي في الثلاثاء يناير 18, 2011 8:42 pm

    اكيد هالموضوع بجنن
    بس الدنيا هيك الكل تعبان فيها
    الغني قبل الفقير
    والصغير قبل الكبير
    بأ مافي عتب على المغترب او اللي ببلده
    avatar
    ~ محمد ~

    عدد المساهمات : 67
    نقاط : 155
    تاريخ التسجيل : 16/01/2011
    العمر : 28
    الموقع : http://shamroom.syriaforums.net

    رد: ما حدا مبسوط لا بالبلد ولا برا البلد .

    مُساهمة  ~ محمد ~ في الأربعاء يناير 19, 2011 2:48 pm

    راقص مع الذئاب مرورك اسعدني لاتحرمني هالطلة ..

      الوقت/التاريخ الآن هو الأربعاء ديسمبر 12, 2018 1:08 pm